Nýliðunarstuðningur í landbúnaði 2025

Opnað hefur verið fyrir umsóknir um nýliðunarstuðning í landbúnaði.

Markmið stuðningsins er að aðstoða nýliða við að hefja búskap og auðvelda ættliðaskipti í landbúnaði.

Þeir einstaklingar geta sótt um stuðning sem uppfylla neðangreindar kröfur:

• Uppfylla skilyrði skv. 3. gr. reglugerðar um almennan stuðning við landbúnað
• Eru á aldrinum 18-40 ára á því ári sem óskað er eftir stuðningi.
• Eru að kaupa búrekstur eða hlut í búrekstri í fyrsta skipti eða hafa leigt eða keypt búrekstur innan þriggja ára frá 1. janúar á umsóknarári.
• Hafa ekki áður hlotið nýliðunarstuðning.
• Hafa með sannarlegum hætti lagt út fyrir fjárfestingu annaðhvort með eigin fé eða lántöku.

Fylgiskjöl með umsókn eru eftirfarandi:

• Yfirlýsing um að umsækjandi sé nýliði.
• Upplýsingar um eignarhald lögaðila úr fyrirtækjaskrá RSK, sé um lögaðila að ræða.
• Fimm ára rekstraráætlun með greinargerð, unnin af fagaðila, svo sem Ráðgjafarmiðstöð landbúnaðarins.
• Afrit af þinglýstum kaupsamningi vegna fjárfestingar sem óskað er stuðnings við.
• Afrit af reikningum fyrir kaupum.
• Afrit af leigusamningi, ef við á.
  
  Áhugasömum umsækjendum er bent á að kynna sér forgangsreglur.
  
  Umsóknum skal skila inn á Afurð.is.

Umsóknarfrestur er til 1. september.