Netöryggi: Styrkir og sóknarfæri – skráning á ráðstefnu hafin
Íslenska hæfnissetrið fyrir netöryggi og nýsköpun, Eyvör NCC-IS, stendur fyrir ráðstefnu fimmtudaginn 11. september í Grósku undir yfirskriftinni Netöryggi: Styrkir og sóknarfæri (Cybersecurity: From Grants to Impact). Fundurinn stendur frá kl. 9:00-12:30 en húsið opnar kl. 8:30.
Markmið ráðstefnunnar er að kynna helstu styrkjamöguleika á sviði netöryggis, hvetja til þátttöku í evrópskum samstarfsverkefnum og sýna fram á hvernig rannsóknir og nýsköpun geta skilað raunverulegum ávinningi fyrir Ísland. Loks fer fram kynning á framgangi fjölbreyttra verkefna kynnt sem hafa hlotið netöryggisstyrki frá Eyvöru – hæfnisetri.
Eyjólfur Ármannsson innviðaráðherra ávarpar fundinn og þá mun Luca Tagliaretti, framkvæmdastjóri Hæfniseturs Evrópu í netöryggi (ECCC) flytja erindi.
„Við viljum gera styrkjamöguleika og samstarfsleiðir sýnilegri fyrir fyrirtæki, stofnanir og rannsóknaraðila. Á fundinum gefst einstakt tækifæri til að efla samstarf og nýsköpun á sviði netöryggis á Íslandi,“ segir Hrannar Ásgrímsson, verkefnastjóri Eyvarar sem jafnframt er fundarstjóri.
Dagskrá
- 08:30 – Skráning og kaffi
- 09:00 – Hrafnkell Gíslason, forstjóri Fjarskiptastofu setur fundinn
- 09:10 – Eyjólfur Ármannsson innviðaráðherra flytur ávarp
- 09:20 – Luca Tagliaretti, framkvæmdastjóri ECCC
- 09:50 – Verkefnið Defend Iceland kynnir árangur sinn
- 10:00 – Hlé og hressing
- 10:10 – Kynning á styrktarverkefnum – fyrri hluti
- 11:00 – Hlé og hressing
- 11:20 – Kynning á styrktarverkefnum – seinni hluti
- 12:05 – Rannís: Umsóknarferli og hæfniskröfur
- 12:30 – Fundi lýkur
Skráning á vef Fjarskiptastofu
Skráning fer fram á vef Fjarskiptastofu og er skráningarfrestur til 8. september. Vinsamlegast athugið að ráðstefnan fer eingöngu fram á staðnum.