Hoppa yfir valmynd
16. nóvember 2010 Samgöngu- og sveitarstjórnarráðuneytið

Rætt um núllsýn á árlegu umferðarþingi

Umferðarþing verður haldið fimmtudaginn 25. nóvember á Grand hóteli í Reykjavík og stendur daglangt. Þingið hefst með ávarpi Karls Matthíassonar, formanns umferðarráðs, og síðan flytur Ögmundur Jónasson, samgöngu- og sveitarstjórnarráðherra, ávarp og afhendir viðurkenninguna Umferðarljósið.

Svonefnd núllsýn verður aðalefni umferðarþingsins. Claes Tingvall, yfirmaður umferðaröryggismála hjá Trafikvärket í Svíþjóð, segir frá núllsýninni sem hann er frumkvöðull að. Í grundvallaratriðum gengur hún út á að banaslys í umferðinni séu óviðunandi og að allt skuli gert sem hægt er til að koma í veg fyrir þau. Claes Tingvall og aðrir þeir sem fylgja núllsýninni telja að banaslys þurfi ekki að vera óumflýjanlegur fylgifiskur umferðarslysa.

Claes Tingvall hefur skrifað yfir 100 tæknigreinar í bækur og tímarit og haldið fyrirlestra um umferðaröryggismál víða um heim. Hann er yfirmaður umferðaröryggisdeildar hjá Trafikvärket í Svíþjóð og var um sex ára skeið stjórnarformaður í EuroNCAP, sem annast mat á öryggi bíla. Hann er einnig prófessor við Monarch háskólann  í Ástralíu.

Af öðrum umfjöllunarefnum umferðarþings má nefna erindi um nýjungar í ökukennslu, hjólaborgina Reykjavík, veðurfar og umferðaröryggi og nýja tækni í öryggi ökutækja. Einnig verður fjallað um hjólbarða og umhverfi vega.

Skráning á þingið fer fram rafrænt á vefsíðu Umferðarstofu. Þátttökugjald er 10.000 krónur.

Dagskrá umferðarþings:

9:00       Ávarp formanns Umferðarráðs: Karl V. Matthíasson

9:10       Ávarp samgöngu- og sveitarstjórnarráðherra: Ögmundur Jónasson

9:20       Afhending Umferðarljóssins

9:40   Kaffihlé

10:00     Núllsýn í umferðarmálum. Claes Tingvall, yfirmaður umferðaröryggismála hjá Trafikvärket í Svíþjóð.

10:50     Hvað þarf að breytast til að framfylgja núllsýn? Jón Ásgeir Kalmansson siðfræðingur.

11:10     Panelumræður um núllsýn í umferðarmálum. Fulltrúar stjórnmálaflokkanna í samgöngunefnd Alþingis og Claes Tingvall.

12:00 Hádegismatur

13:00     Nýjungar í ökukennslu á Íslandi. Jón Haukur Edwald, formaður Ökukennarafélags Íslands, og Einar Guðmundsson, sérfræðingur Sjóvá.

13:20     Hjólaborgin Reykjavík. Pálmi Freyr Randversson, sérfræðingur á umhverfis og samöngusviði Reykjavíkur. 

13:40     Bættur aðbúnaður fyrir hjólreiðamenn. Guðbjörg Lilja Erlendsdóttir, verkfræðingur, Eflu.

14:00     Veðurfar og umferðaröryggi. Einar Sveinbjörnsson, veðurfræðingur.

14:20     Fræðsluefni um umferðaröryggi fyrir framhaldsskóla. Þóra Magnea Magnúsdóttir, fræðslufulltrúi Umferðarstofu.

14:40     Það sem mér þótti í lagi, varð barni mínu að bana! Sig. Óskar Sólmundarson.

15:00     Kaffihlé

15:30     Ný tækni í öryggi ökutækja. Skúli Sigurðsson, aðstoðarframkvæmdastjóri þjónustusviðs Ingvars Helgasonar.

15:50     Hjólbarðar og umferðaröryggi. Stefán Ásgrímsson, ritstjóri FÍB blaðsins.

16:10     Umhverfi vega og umferðaröryggi. Auður Þóra Árnadóttir, forstöðumaður umferðardeildar Vegagerðarinnar.

16:40     Þingslit. Karl Ragnars, forstjóri Umferðarstofu.

Efnisorð

Hafa samband

Ábending / fyrirspurn
Ruslvörn


Þessi síða notar vafrakökur Lesa meira