Fundur Atlantshafsbandalagsins og Evrópusambandsins
FRÉTTATILKYNNING
frá utanríkisráðuneytinu
________
Nr. 125
Samstarf Atlantshafsbandalagsins og Evrópusambandsins í baráttunni gegn alþjóðlegum hryðjuverkum og samvinnu stofnananna tveggja á Balkanskaga var meðal þess sem rætt var á sameiginlegum fundi þeirra í gærkvöldi. Í almennum umræðum um öryggis- og varnarmál í Evrópu, sagði Halldór Ásgrímsson, utanríkisráðherra, að hann vonaði að sátt næðist fljótlega innan ESB um þátttökurétt evrópsku bandalagsríkjanna sex sem ekki eru aðilar að sambandinu og myndi það ryðja braut fyrir samkomulagi um önnur atriði í samstarfinu. Áréttaði ráðherra einnig hversu mikilvægt væri að með auknu samstarfi Evrópuríkja á sviði öryggis- og varnarmála yrðu Atlantshafstengslin styrkt.
Meðfylgjandi er sameiginleg yfirlýsing bandalagsins, sambandsins og fomennskuríkis ESB.
