Hoppa yfir valmynd
13. maí 2011 Samgöngu- og sveitarstjórnarráðuneytið

Fjölmörg erindi haldin á samgönguþingi 19. maí

Á samgönguþingi sem haldið verður í Reykjavík næstkomandi fimmtudag 19. maí verða til umræðu drög að tillögum samgönguráðs að stefnu í samgöngumálum 2011-2022. Fluttar verða kynningar um hin einstöku svið og í lok dagskrár verða pallborðsumræður.

Samgönguþingið verður haldið á Radisson Hótel Sögu og stendur frá kl. 13-17. Þeir sem hyggjast sitja þingið eru beðnir að skrá sig með tilkynningu á netfangið [email protected] eigi síðar en þriðjudaginn 17. maí.

Meginefni samgönguþings verða kynningar á drögunum og umræður um þær. Einnig verða flutt nokkur erindi um tengd málefni og má sjá nánari dagskrá hér að neðan.

Við undirbúning tólf ára samgönguáætlunar hefur samgönguráð staðið fyrir samráðsfundum meðal annars með fulltrúum sveitarfélaga og atvinnulífs í öllum landshlutum. Meginmarkmið fundanna hefur verið að fá fram hugmyndir, áherslur og markmið sem þessir aðilar vilja að höfð verði til hliðsjónar við mótun langtímaáætlunar í samgöngumálum. Starfshópar, sem samgönguráð skipaði til að vinna afmörkuð verkefni sem snúa að stefnumótun í samgöngum, hafa nú allir lokið störfum.

 

Dagskrá samgönguþings

Inngangur

13:00   Setning samgönguþings: Ögmundur Jónasson, innanríkisráðherra

13:10   Samgönguáætlun 2011-2022 – inngangur: Dagur B. Eggertsson, formaður samgönguráðs

Samgönguáætlun 2011-2022 – drög að stefnumótun

13:30   Meginmarkmið, stefnumið og áherslur 2011-2022: Friðfinnur Skaftason og Þorsteinn R. Hermannsson, verkfræðingar í innanríkisráðuneyti

14:15   Umhverfismat samgönguáætlunar 2011-2022: Mannvit og VSÓ-Ráðgjöf

14:35   Samfélagsleg áhrif samgangna: Þóroddur Bjarnason, Háskólanum á Akureyri

14:55   Samþætting samgangna, skipulags og heilsu: Ásdís Hlökk Theodórsdóttir, Háskólanum í Reykjavík 

15:15   Kaffihlé

Samþætting áætlana

15:40   Landsskipulagsstefna: Stefán Thors, forstjóri Skipulagsstofnunar

16:00   Einföldun, fækkun og samþætting stefna og áætlana ríkisins: Héðinn Unnsteinsson, forsætisráðuneyti 

Umræður og fyrirspurnir

16:20   Samgönguáætlun 2011-2022 – Næstu skref: Dagur B. Eggertsson, formaður samgönguráðs

16:25   Pallborðsumræður samgönguráð

16:55   Fundarslit

17:00   Léttar veitingar

Fundarstjóri verður Halla Gunnarsdóttir, aðstoðarmaður innanríkisráðherra.
Tækifæri verður til spurninga á milli erinda.

 

Efnisorð

Hafa samband

Ábending / fyrirspurn
Ruslvörn


Þessi síða notar vafrakökur Lesa meira