Hoppa yfir valmynd
30. ágúst 2016 Innviðaráðuneytið

Innanríkisráðherra leggur til formlegar viðræður um framtíð Reykjavíkurflugvallar

Innanríkisráðherra hefur í dag sent Reykjavíkurborg bréf þar sem lagt er til að ríki og Reykjavíkurborg hefji hið fyrsta formlegar viðræður um framtíð Reykjavíkurflugvallar í samráði við önnur sveitarfélög og hagsmunaaðila. Í bréfinu kemur fram að innanríkisráðherra telji afar mikilvægt að ríki og Reykjavíkurborg vinni saman að því að ná víðtækri sátt um framtíð Reykjavíkurflugvallar.

Leggja verði áherslu á fjölþætta og mikilvæga almannahagsmuni sem tengjast innanlandsflugi og lögbundin markmið á sviði samgöngumála.

Þá kemur fram að viðræðurnar muni einnig byggja á þeim forsendum að Reykjavíkurflugvöllur verði áfram í Vatnsmýrinni um lengri tíma en til 2022 og að staðsetning hans verði óbreytt svo lengi sem ekki liggi fyrir skýrt samkomulag við yfirvöld samgöngumála um annað sem samræmist vilja Alþingis.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum