Hoppa yfir valmynd
14. janúar 2020

Fundur Velferðarvaktarinnar 14. janúar 2020

36. fundur Velferðarvaktarinnar

Félagsmálaráðuneytinu, 14. janúar 2020 kl. 9.15-11.30

Mættir: Siv Friðleifsdóttir, formaður, Eðvald Stefánsson frá umboðsmanni barna, Bryndís Snæbjörnsdóttir frá Þroskahjálp, Helen Símonardóttir frá RKÍ, Angelique Kelley frá W.O.M.E.N, María Kristjánsdóttir frá Sambandi íslenskra sveitarfélaga, Margrét J. Rafnsdóttir frá Barnaheillum, Margrét Steinarsdóttir frá Mannréttindaskrifstofu Íslands, Kristjana Gunnarsdóttir frá Reykjavíkurborg, Sara Jasonardóttir frá umboðsmanni skuldara, Steinunn Bergmann frá BHM, Sigrún Edda Eðvarðsdóttir frá Heimili og skóla, Sigurveig Gunnarsdóttir frá mennta- og menningarmálaráðuneytinu, Vilborg Oddsdóttir frá Hjálparstarfi kirkjunnar og Lovísa Lilliendahl frá félagsmálaráðuneyti.      

Gestir: Heiðar Ingi Svansson frá Iðnú, Hrannar Pétursson frá mennta- og menningarmálaráðuneytinu, Kristinn Þorsteinsson, formaður Skólameistarafélags Íslands og Hildur Björgvinsdóttir, framkvæmdastjóri Samband íslenskra framhaldsskólanema (SÍF).

---

 

1. Umhverfi löggæslu á Íslandi 2020-2024 – stefnumiðuð greiningarskýrsla
Björn Ingiberg Jónsson, greinandi hjá greiningardeild ríkislögreglustjóra, og Runólfur Þórhallsson, lögreglufulltrúi hjá greiningardeild ríkislögreglustjóra, kynntu skýrsluna, sérstaklega með tilliti til félagslegra þátta en skýrslan inniheldur margvíslegar áskoranir fyrir stjórnvöld hvað þá þætti varða. Má þar nefna félagslega blöndun, aðlögun innflytjenda o.s.frv. en  í skýrslunni kemur fram að embætti ríkislögreglustjóra hafi áhyggjur af því að fátækrahverfi verði til á Íslandi. Hér má lesa skýrsluna í heild sinni.

 

2. Rannsókna um brotthvarf og námstafir á framhaldsskólastigi fyrir Velferðarvakt
Kolbeinn Stefánsson, félagsfræðingur og Helgi Eiríkur Eyjólfsson, sérfræðingur á skrifstofu mennta- og vísindamála í mennta- og menningarmálaráðuneytinu, kynntu stuttlega uppbyggingu rannsóknarinnar. Rannsóknin felur í sér greiningu á gögnum Hagstofu Íslands og mennta- og málaráðuneytis er varða brotthvarf og námstafir á framhaldsskólastigi. Þar er horft til félagslegs og efnahagslegs bakgrunns nemenda ásamt námsárangri á grunnskólastigi með það fyrir augum að kortleggja þætti sem spá fyrir um brotthvarf og námstafir. Áætlað er að rannsókninni verði lokið í október nk.

3. Niðurstöður kannanna um námsgagnakostnað og fleira hjá nýnemum í framhaldsskólum
Þóra Ásgeirsdóttir, framkvæmdastjóri Maskínu, kynnti niðurstöður tveggja kannana sem unnar voru að beiðni Velferðarvaktarinnar. Um var að ræða:

a) Könnun meðal skólameistara framhaldsskóla.

b) Vefumræðuborð meðal nýnema, þar sem spurt var m.a. um hvernig það var að hefja námið, andlega líðan, námskostnað, vinnu meðfram námi, stuðning foreldra við nám, og fleira sem fylgir því að hefja nám í framaldsskóla.

Í kjölfarið fóru fram umræður um niðurstöðurnar og hvernig best væri að vinna þær áfram í tillögur til stjórnvalda. Gert er ráð fyrir að fyrir næsta fund vaktarinnar verði búið að vinna drög að þeim tillögum til samþykktar á þeim fundi. Þá var rætt um að skoðað yrði hvort halda ætti fund eða málþing um niðurstöðurnar.

4. Önnur mál

  • Næsti fundur verður haldinn þriðjudaginn 3. mars.

 

Ekki meira rætt og fundi slitið/LL.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum