Lög um lífsýnasöfn endurskoðuð

Heilbrigðis- og tryggingamálaráðherra hefur falið nefnd að endurskoða lög um lífsýnasöfn. Nefndinni er ætlað að endurskoða lögin í ljósi reynslunnar sem er af núgildandi lögum en þau tóku gildi 1. janúar 2001. Nokkrar ábendingar hafa borist um atriði sem betur mættu fara í lögunum og hefur m.a. verið bent á að ekki sé gerður greinarmunur á sýnum sem safnað er vegna vísindarannsókna eingöngu og þeim sem safnað er vegna þjónustu sjúklinga.

Nefndina skipa:

         Guðrún W. Jensdóttir, lögfræðingur í heilbrigðis- og tryggingamálaráðuneytinu, formaður nefndarinnar

           Hlíf Steingrímsdóttir, læknir, tilnefnd af Landspítala

           Vilmundur Guðnason, yfirlæknir, tilnefndur af Hjartavernd

           Halla Hauksdóttir, lífeindafræðingur, tilnefnd af Félagi lífeindafræðinga

           Þórir Haraldsson, hdl., tilnefndur af Íslenskri erfðagreiningu

           Guðrún Kr. Guðfinnsdóttir, verkefnisstjóri, tilnefnd af Landlæknisembættinu

           Magnús Karl Magnússon, læknir, tilnefndur af Læknafélagi Íslands

           Helga Ögmundsdóttir, læknir, tilnefnd af Krabbameinsfélagi Íslands

           Ólöf Ýrr Atladóttir, framkvæmdastjóri, tilnefnd af Vísindasiðanefnd og til vara Björn Rúnar Lúðvíksson.