Hoppa yfir valmynd
12. mars 2010 Samgöngu- og sveitarstjórnarráðuneytið

Björn Óli Hauksson ráðinn forstjóri FLUG-KEF ohf.

Stjórn Flug-Kef ohf. hefur ákveðið að ráða Björn Óla Hauksson forstjóra Keflavíkurflugvallar ohf. sem forstjóra sameinaðs opinbers hlutafélags um rekstur Flugstoða og Keflavíkurflugvallar.

Björn Óli Hauksson forstjóri FLUG-KEF ohf.
Björn Óli Hauksson forstjóri FLUG-KEF ohf.

Umsækjendur um stöðuna voru 44 talsins. Ráðgjafarfyrirtæki Hagvangur var stjórn félagsins til aðstoðar við mat á umsækjendum. Björn Óli mun taka við stöðunni við sameiningu Flugstoða ohf. og Keflavíkurflugvallar ohf. 1. maí n.k.

Björn Óli Hauksson hefur mikla reynslu og víðtæka þekkingu til að takast á við yfirstjórn í nýju og öflugu fyrirtæki sem hlotið hefur bráðabirgðaheitið Flug-Kef ohf. Hann er 48 ára að aldri og er með meistaragráðu í rekstrarverkfræði frá Álaborgarháskóla í Danmörku.

Björn Óli hefur undanfarið eitt og hálft ár starfað sem forstjóri Keflavíkurflugvallar ohf. og leiddi umfangsmikla sameiningu Flugmálastjórnar Keflavíkurflugvallar, Flugstöðvar Leifs Eiríkssonar og flugöryggisvarðadeildar lögreglustjórans á Suðurnesjum. Áður vann hann í sex ár að uppbyggingu flugmála í Kósóvó, m.a. sem forstjóri Pristinaflugvallar og sem verkefnisstjóri þar á vegum Flugmálastjórnar Íslands og Flugstoða ohf. Hann setti m.a. á laggirnar flugmálastjórn Sameinuðu þjóðanna í Kósóvó (CARO - UNMIK Civil Aviation Regulatory Office) og átti þátt í að sameina og byggja upp fyrirtæki um flugvallar- og flugstöðvarrekstur í Pristina.

Efnisorð

Hafa samband

Ábending / fyrirspurn
Ruslvörn


Þessi síða notar vafrakökur Lesa meira