Hoppa yfir valmynd
10. september 2018 Utanríkisráðuneytið

Hálf milljón barna hungurmorða fyrir árslok?

Ljósmynd: Save the Children. - mynd

Óttast er að rúmlega hálf milljón barna verði hungurmorða fyrir lok þessa árs, segir í nýrri skýrslu samtakanna Save the Children. At mati samtakanna þurfa 4,5 milljónir barna yngri en fimm ára á lífsnauðsynlegri meðferð að halda gegn vannæringu fyrir áramót en þessi börn draga öll fram lífið á átakasvæðum. Frá árinu 2016 hefur börnum í lífshættu vegna vannæringar á átakasvæðum fjölgað um 20%, segir í frétt samtakanna.

Save the Children dregur upp afar dökka mynd af ástandinu og segir af haldi fram sem horfi muni tvö af hverjum þremur alvarlega vannæðrum börnum ekki fá nauðsynlega meðferð. Samtökin óttast að 590 þúsund börn deyi vegna þess að þau fái ekki nauðsynlegan stuðning.

„Það þýðir að um 1600 börn yngri en fimm ára deyja af völdum hungurs á hverjum degi, eða eitt barn á hverri mínútu,“ segir í fréttinni.

Aðvörunarorð Save the Children koma á sama tíma og mannúðarsamtök glíma við alvarlegan fjárhagsvanda vegna skilgreindra neyðaraðstæðna í átakasvæðum. Jafnframt færist í aukana að stríðandi fylkingar hindri aðgang mannúðarsamtaka að svæðum þar sem börn eru í neyð.

Eins og áður hefur komið fram hefur hungruðum fjölgað á nýjan leik á síðustu misserum eftir samfellda fækkun um tveggja áratuga skeið.

Frétt Save the Children

Efnisorð

Heimsmarkmiðin

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira