Afhenti trúnaðarbréf í Páfagarði

Martin Eyjólfsson, fastafulltrúi Íslands í Genf, afhenti í dag, 12. desember, Frans páfa trúnaðarbréf sitt sem sendiherra Íslands í Páfagarði, ásamt sendiherrum 16 annarra ríkja.
 
Við athöfnina hvatti páfi ríkisstjórnir ríkjanna til þess að vinna á skipulagðan hátt að upprætingu  mansals sem hann telur svartan blett í samfélagi nútímans. Þá óskaði hann íslensku þjóðinni velfarnaðar og bað fyrir kveðjur til kaþólskra á Íslandi.