Matvælaráðherra fundar með forstöðumönnum stofnana MAR

Svandís Svavarsdóttir, matvælaráðherra, fundaði með forstöðumönnum stofnana matvælaráðuneytisins, miðvikudaginn, 25 maí.

Markmið fundarins var að styrkja í senn samskipti stofnananna innbyrðis og við starfsfólk ráðuneytisins. Á fundinum var farið yfir þau sameiginlegu mál sem snúa að rekstri stofnananna og þær áskoranir sem við blasa á næstunni.

Á fundinn mættu forstöðumenn Fiskistofu, Hafrannsóknastofnunar, Landgræðslunnar, Matís, Matvælastofnunar og Skógræktarinnar. Af hálfu ráðuneytisins mættu ásamt ráðherra og aðstoðarmönnum, ráðuneytisstjóri og skrifstofustjórar.

„Það er okkur sem störfum innan ráðuneytisins mikilvægt að viðhalda sem bestu sambandi við okkar stofnanir og þeirra starfsfólk. Það hjálpar okkur að skilja þarfir stofnananna og við fáum jafnframt að kynnast þeirri miklu þekkingu og mannauði sem þar er að finna“ segir Svandís Svavarsdóttir matvælaráðaherra.