22. ágúst 2007 Félags- og vinnumarkaðsráðuneytið

Úrslit ljósmyndasamkeppninnar

Hinn 19. ágúst síðastliðinn voru úrslit í ljósmyndasamkeppninni í tilefni Árs jafnra tækifæra kunngjörð í Norræna húsinu. Sýning með völdum myndum úr keppninni var einnig opnuð á sama stað og verða myndirnar til sýnis fram til 26. ágúst næstkomandi.

Okkur barst mikill fjöldi mynda víðs vegar af landinu og var ánægjulegt að sjá hve margir tóku þátt í keppninni og sýndu frjótt hugmyndaflug í túlkun sinni á fjölbreytileika mannlífsins. Keppninni var skipt í tvo hópa, annars vegar einstaklingskeppni og hins vegar í hópakeppni, og voru veitt verðlaun í báðum hópunum. Í þriðja sæti í hópakeppni var Vinnuskólinn í Vogum, í öðru sæti var vinnuhópur 116 frá Reykjavík og í fyrsta sæti var vinnuhópur 344 frá Vinnuskólan Reykjavíkur. Salóme Gísladóttir í vinnuhópi 344 hlaut einnig fyrstu verðlaun í einstaklingskeppninni. Í öðru sæti var Hreinn Sverrisson frá Vinnuskóla Grindavíkur og í þriðja sæti var Þorsteinn Nikulás Cameron frá Vinnuskóla Reykjavíkur. Ráðuneytið óskar öllum vinningshöfum til hamingju með sigurinn og þakkar jafnframt öllum þeim sem sendu inn myndir í keppnina.