Drög að framkvæmdaáætlun í jafnréttismálum
Félags- og tryggingamálaráðherra hefur undirbúið tillögu til þingsályktunar um framkvæmdaáætlun í jafnréttismálum fyrir árin 2010-2014. Framkvæmdaáætlun var kynnt í ríkisstjórn og lögð fyrir þingflokka í vor og er gert ráð fyrir að hún verði lögð fyrir Alþingi í haust sem tillaga til þingsályktunar.
Áætlunin er unnin í samráði við einstök ráðuneyti, Jafnréttisstofu og Jafnréttisráð. Einnig var við gerð hennar höfð hliðsjón af umræðum sem fram fóru á jafnréttisþingi sem haldið var í janúar 2009 og skýrslu um stöðu og þróun jafnréttismála sem var birt þegar þingið var haldið. Framkvæmdaáætlunin er birt til umsagnar á vef ráðuneytisins og gefst fólki kostur á að senda ráðuneytinu ábendingar sínar og athugasemdir til 15. ágúst næstkomandi.