Hoppa yfir valmynd
1. október 2009 Innviðaráðuneytið

Rætt um fjármál og eflingu sveitarfélaga á samráðsfundi ríkis og sveitarfélaga

Formlegur samráðsfundur ríkis og sveitarfélaga var haldinn í samgönguráðuneytinu 29. september og sátu hann fulltrúar fjármálaráðuneytis, samgönguráðuneytis og Sambands íslenskra sveitarfélaga. Farið var yfir stöðu og horfur í búskap ríkis og sveitarfélaga og fjallað um eflingu sveitarfélaga.

Samráðsfundur ríkis og sveitarfélaga var haldinn 29. september í samgönguráðuneytinu.
Samráðsfundur ríkis og sveitarfélaga var haldinn 29. september í samgönguráðuneytinu.

Til fundarins var boðað á grundvelli samstarfssáttmála ríkis og sveitarfélaga en tilgangur hans er að efla formlegt samstarf ríkis og sveitarfélaga. Er það gert með reglulegum samskiptum aðila, stuðla að sameiginlegri sýn á þróun, stöðu og framtíð sveitarstjórnarstigsins og stuðla að aðhaldi og ábyrgð í opinberum rekstri.

Kristján L. Möller samgönguráðherra og Steingrímur J. Sigfússon fjármálaráðherra fóru yfir stöðu mála í hvoru ráðuneytinu fyrir sig. Steingrímur gerði grein fyrir stöðu og horfum í þjóðarbúskapnum og fjárlagagerðina og í framhaldi af því fjallaði Halldór Halldórsson, formaður Sambands íslenskra sveitarfélaga, um stöðu sveitarfélaganna.

Fram fóru síðan almennar umræður og jafnframt voru kynnt drög að svonefndum vegvísi að gerð hagstjórnarsamnings ríkis og sveitarfélaga. Tilgangur hans er að samgöngu- og sveitarstjórnarráðuneytið, fjármálaráðuneytið og Samband íslenskra sveitarfélaga líti á fjármál opinberra aðila sem eina heild.

Á síðari hluta fundarins fjallaði samgönguráðherra fyrst um verkefni sem unnið er að og snerta eflingu sveitarstjórnarstigsins. Einnig greindi formaður Sambands íslenskra sveitarfélaga frá áherslum Sambandsins í þeim efnum og fjármálaráðherra gerði einnig grein fyrir sýn sinni.

Í framhaldi af fundinum undirrituðu Kristján L. Möller og Halldór Halldórsson síðan yfirlýsingu um næstu skref til eflingar sveitarstjórnarstiginu og greint hefur verið frá.



Samráðsfundur ríkis og sveitarfélaga var haldinn 29. september í samgönguráðuneytinu.
Samráðsfundir ríkis og sveitarfélaga eru haldnir á grundvelli samstarfssáttmála þessara aðila.    

Fundinn sátu:

Frá fjármálaráðuneyti:

Steingrímur J. Sigfússon fjármálaráðherra

Guðmundur Árnason ráðuneytisstjóri

Indriði H. Þorláksson aðstoðarmaður

Sigurður Guðmundsson sérfræðingur.

 

Frá samgönguráðuneyti:

Kristján L. Möller samgöngu- og sveitarstjórnarráðherra

Ragnhildur Hjaltadóttir ráðuneytisstjóri

Ingvar Sverrisson aðstoðarmaður

Hermann Sæmundsson skrifstofustjóri

Elín Pálsdóttir forstöðumaður Jöfnunarsjóðs sveitarfélaga

Jóhannes Tómasson upplýsingafulltrúi

 

Samráðsfundur ríkis og sveitarfélaga var haldinn 29. september í samgönguráðuneytinu.Frá Sambandi íslenskra sveitarfélaga:

Halldór Halldórsson formaður

Karl Björnsson framkvæmdastjóri

Dagur B. Eggertsson stjórnarmaður

Elín Líndal stjórnarmaður

Gunnar Einarsson stjórnarmaður

Þorleifur Gunnlaugsson stjórnarmaður

Karl Björnsson framkvæmdastjóri

Anna Guðrún Björnsdóttir sviðsstjóri

Guðjón Bragason sviðsstjóri

Gunnlaugur Júlíusson sviðsstjóri

Inga Rún Ólafsdóttir sviðsstjóri

                                                          Magnús Karel Hannesson sviðsstjóri

 




Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum