Hoppa yfir valmynd
28. nóvember 2006 Utanríkisráðuneytið

Afhending trúnaðarbréfs

Sigríður Dúna Kristmundsdóttir og Thabo Mbeki
Sigríður Dúna Kristmundsdóttir, sendiherra, og Thabo Mbeki, forseti Suður-Afríku

Föstudaginn 24. nóvember afhenti Sigríður Dúna Kristmundsdóttir Thabo Mbeki forseta Suður-Afríku trúnaðarbréf sitt sem sendiherra Íslands í Suður-Afríku. Fór afhendingin fram við hátíðlega athöfn í bústað forseta í Pretoríu, höfuðborg Suður-Afríku.

Í ávarpi sínu sagði Sigríður Dúna að Íslendingar skildu vel baráttu Suður-Afríkumanna fyrir frelsi og lýðræði, enda væri ekki langt síðan Íslendingar hefðu sjálfir háð sína sjálfstæðisbaráttu. Þeir hefðu hins vegar verið svo lánsamir að hafa náð árangri með orðum og án vopnaðra átaka og það væri reynsla sem Íslendingar gætu miðlað öðrum þjóðum í stríðshrjáðum heimi, meðal annars með setu í öryggisráði Sameinuðu þjóðanna. Mbeki tók undir orð Sigríðar Dúnu og sagði öllu máli skipta að stöðva blóðsúthellingar hvar sem væri í heiminum. Forsetinn og sendiherrann ræddu einnig stöðu kvenna í Afríku og leiðir til úrbóta á þeim vettvangi.



Sigríður Dúna Kristmundsdóttir og Thabo Mbeki
Sigríður Dúna Kristmundsdóttir, sendiherra, og Thabo Mbeki, forseti Suður-Afríku

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum