Hoppa yfir valmynd
28. október 2016 Samgöngu- og sveitarstjórnarráðuneytið

Samráð um reglur um flutninga á vegum

Framkvæmdastjórn Evrópusambandsins hóf í september 2016 opið samráð um að bæta félagslegar reglur í flutningum á landi eða the social legislation in road transport. Samráðið stendur til 11. desember 2016.

Svokallaðar félagslegar reglur um flutninga á vegum og hvernig þeim skuli fylgt eftir eru settar fram í þremur tengdum gerðum Evrópusambandsins. Þær eru:

Markmiðin með reglunum eru að vernda starfsfólk í samgöngum gegn skaðlegum áhrifum á heilsu þeirra og öryggi sem gætu hlotist af slæmum vinnuaðstæðum, að auka öryggi á vegum og að tryggja sanngjarna samkeppni milli þeirra sem starfrækja fyrirtæki í samgöngum.

Framkvæmdastjórnin lét kanna hvort markmiðin hefðu náðst með þessum reglum auk þess sem litið var til þess að breytingar hafa orðið á rekstrarumhverfi fyrirtækja í samgöngum. Niðurstaðan varð sú að markmiðin náist ekki að fullu.

Með samráðinu á að veita þeim sem hagsmuna eiga að gæta tækifæri á að koma skoðunum sínum á framfæri á því hvernig ástandið er í dag og hvernig mætti bæta það. Þá er ætlunin að fá upplýsingar um tiltekin atriði eins og vinnuaðstæður, rekstrarumhverfi, leiðir til að framfylgja reglum og fleira.

Spurningalistarnir eru tveir:

Annars vegar er spurningalisti ætlaður ökumönnum, öðrum starfsmönnum í samgöngum þeim sem starfrækja fyrirtæki í samgöngum, almenningi og fleirum. Hann má finna hér: General questionnaire

Hins vegar er sérhæfðari spurningalisti sem ætlaður er stjórnvöldum, samtökum starfsmanna og samtökum atvinnurekenda. Hann má finna hér: Specialised questionnaire

Efnisorð

Hafa samband

Ábending / fyrirspurn
Ruslvörn


Þessi síða notar vafrakökur Lesa meira