Málefni fatlaðs fólks á tímamótum - horft til framtíðar
Félags- og tryggingamálaráðuneytið, Samband íslenskra sveitarfélaga, Öryrkjabandalag Íslands, Þroskahjálp, Stofnun stjórnsýslufræða og stjórnmála og Rannsóknarsetur í fötlunarfræðum við Háskóla Íslands bjóða til málþings 22. september á Grand
hótel Reykjavík.
- Þátttökugjald er 2.900 kr. en 1.200 kr. fyrir öryrkja og námsmenn (kaffi og meðlæti innifalið).
- Skráning fer fram á vef stofnunar stjórnsýslufræða og stjórnmála.
- Málþingið hefst kl. 13.30 og stendur til kl. 17.00.
DAGSKRÁ
1. Guðbjartur Hannesson, félags- og tryggingamálaráðherra – ávarp.
2. Lára Björnsdóttir, sviðsstjóri velferðarsviðs félags- og tryggingamálaráðuneytisins: Málaflokkur fatlaðs fólks á tímamótum - Hver er staðan og hverjar eru helstu áskoranir?
3. Gyða Hjartardóttir, félagsþjónustufulltrúi hjá Sambandi íslenskra sveitarfélaga: Hvernig eru sveitarfélögin að undirbúa sig undir að taka við málefnum fatlaðs fólk frá ríkinu um næstu áramót?
4. Kristín Kalmansdóttir, sviðsstjóri stjórnsýslusviðs Ríkisendurskoðunar: Þjónusta við fatlað fólk, tækifæri til að gera betur - Hvað segir ný skýrsla Ríkisendurskoðunar?
5. Gerður Árnadóttir, formaður Þroskahjálpar, og Guðmundur Magnússon, formaður Öryrkjabandalagsins - Sjónarmið notenda: Ný tækifæri við færslu málefna fatlaðs fólks frá ríki til sveitarfélaga.
6. Stella Kristín Víðisdóttir, sviðsstjóri velferðarsviðs Reykjavíkurborgar - Sjónarmið þess er veitir þjónustuna: Ný tækifæri, áskoranir og ávinningur við færslu málefna fatlaðs fólks
til sveitarfélaga byggt á fyrri reynslu af flutningi verkefna frá ríki til borgar.
7. Ómar H Kristmundsson, prófessor í stjórnsýslufræðum HÍ - Stjórnsýsla í málefnum fatlaðs fólks: Að hverju þarf að huga?
8. Rannveig Traustadóttir, prófessor í fötlunarfræðum HÍ: Nýjar hugmyndir og ný framtíðarsýn í málefnum fatlaðs fólks.
9. Umræður og fyrirspurnir
Stjórnandi málþings: Guðmundur Steingrímsson alþingismaður, í félags- og trygginganefnd Alþingis.
Málefni fatlaðs fólks standa á tímamótum. Ákveðið hefur verið að flytja málaflokkinn frá ríki til sveitarfélaga um næstu áramót. Þessi breyting felur í sér margvísleg tækifæri til útbóta, í hugmyndafræði, skipulagi og þjónustu við fatlað fólk. Ný skýrsla Ríkisendurskoðunar
um þjónustu við fatlaða felur í sér ábendingar um hvað megi betur fara. Á síðustu árum hefur ný nálgun og ný hugmyndafræði rutt sér rúms sem byggir á sjónarmiðum um mannréttindi og jafnrétti fyrir fatlað fólk. Nýr mannréttindasáttmáli Sameinuðu þjóðanna þar sem fötluðum einstaklingum eru tryggð þau grundvallarréttindi að lifa sjálfstæðu lífi og án aðgreiningar í samfélaginu er þar lagður til grundvallar. Á málþinginu er horft til framtíðar og sjónum beint að stjórnsýslu, hugmyndafræði og þjónustu við fatlað fólk með áherslu á úrbætur.