Embætti vegamálastjóra laust til setningar

Samgönguráðuneytið auglýsir laust til umsóknar embætti vegamálastjóra.

Embætti vegamálastjóra laust til setningar

Samgönguráðuneytið auglýsir laust til umsóknar embætti vegamálastjóra. Vegna fyrirhugaðrar endurskipulagningar stofnunarinnar er um að ræða setningu til allt að eins árs frá 1. maí 2008 að telja, sbr. 2. málslið 24. gr. laga um réttindi og skyldur opinberra starfsmanna nr. 70/1996. Laun eru samkvæmt úrskurði kjararáðs.

Vegamálastjóri veitir Vegagerðinni forstöðu. Helstu verkefni Vegagerðarinnar eru talin upp í 5. gr. vegalaga nr. 80/2007. Þau skiptast í framkvæmdir í vegamálum, umsjón með rannsóknum og þróun á sviði vegamála auk stjórnsýslu og eftirlits.

Menntunar- og hæfiskröfur:

• Háskólamenntun í verkfræði eða sambærileg menntun.
• Víðtæk reynsla af stjórnunarstörfum og áætlanagerð.
• Frumkvæði og leiðtogahæfni.
• Reynsla og hæfileiki til að miðla upplýsingum ásamt hæfni í samskiptum.

Konur jafnt sem karlar eru hvattar til að sækja um stöðuna.

Nánari upplýsingar veitir Ragnhildur Hjaltadóttir, ráðuneytisstjóri í samgönguráðuneytinu. Umsóknir skulu berast til samgönguráðuneytisins, Hafnarhúsinu við Tryggvagötu, 150 Reykjavík eða á [email protected] eigi síðar en 4. apríl 2008.

Samgönguráðuneytinu,

19. mars 2008.