Verkefnisstjórn um upplýsingasamfélagið

Skipuð hefur verið ný Verkefnisstjórn um upplýsingasamfélagið sem hefur það hlutverk að fylgja eftir nýrri stefnu ríkisstjórnarinnar í málefnum upplýsingasamfélagsins. Verkefnisstjórnin er skipuð fulltrúum fjármálaráðuneytis, heilbrigðis- og tryggingamálaráðuneytis, menntamálaráðuneytis, samgönguráðuneytis, iðnaðar- og viðskiptaráðuneyta, auk fulltrúa forsætisráðuneytis sem jafnframt er formaður verkefnisstjórnarinnar.

Helstu verkefni verkefnisstjórnar eru eftirfarandi:

• Að fylgja eftir heildarstefnu ríkisstjórnarinnar um málefni upplýsingasamfélagsins.
• Að stuðla að því að íslensk stjórnvöld, atvinnulíf og almenningur hagnýti sér kosti sem leiða af örri framþróun á sviði upplýsinga- og fjarskiptatækni.
• Að vera vettvangur fyrir og leiða samstarf ráðuneytanna á sviði upplýsinga- og fjarskiptatækni.
• Að leita eftir samstarfi við aðila utan ríkiskerfisins, einkum sveitarfélög, fyrirtæki og félagasamtök, um málefni upplýsingasamfélagsins.
• Að fylgja eftir sérstökum áherslum ríkisstjórnar á þessu sviði.
• Að vera ráðgefandi fyrir ríkisstjórn um fjárveitingar til þessara mála.

Verkefnisstjórnin mun jafnframt f.h. íslenskra stjórnvalda taka þátt í ýmsu erlendu samstarfi varðandi málefni upplýsingasamfélagsins.

Einnig er starfandi samráðsnefnd sem er vettvangur samstarfs ráðuneyta á sviði upplýsinga- og fjarskiptatækni. Samráðsnefndin vinnur með verkefnisstjórn og er skipuð fulltrúum allra ráðuneyta sem eru tengiliðir verkefnisstjórnar við ráðuneytin.

Eftirtaldir aðilar sitja í verkefnisstjórn um upplýsingasamfélagið:

• Guðbjörg Sigurðardóttir, forsætisráðuneyti, formaður,
  
• Angantýr Einarsson, fjármálaráðuneyti,
  
• Ingimar Einarsson, heilbrigðisráðuneyti,
  
• Sigurbergur Björnsson, samgöngu- og sveitarstjórnarráðuneyti, 
• Kristín Jónsdóttir, mennta- og menningarmálaráðuneyti, 
• Með verkefnisstjórn starfar Halla Björg Baldursdóttir, forsætisráðuneyti.

Varamenn

• Haraldur Bjarnason, fjármálaráðuneyti,
  
• Gunnar Alexander Ólafsson, heilbrigðisráðuneyti,
  
• Ásgerður Kjartansdóttir, mennta- og menningarmálaráðuneyti,
  
• Marta Birna Baldursdóttir, samgöngu- og sveitarstjórnarráðuneyti.