Grunnskólanemar úr Árbæjarskóla funduðu með forsætisráðherra
Á fundinum kynntu þær verkefni sem þær eru að vinna um sjálfbærni og loftslagsmál fyrir Katrínu og spurðu hana spjörunum úr um sýn hennar á umhverfisvernd og náttúruvernd. Þá fóru þær yfir notkun á plastumbúðum og um leiðir til að minnka plastnotkun með breyttri neysluhegðun almennings.
„Mér finnst frábært að sjá hvað ungt fólk sýnir umhverfismálum mikinn áhuga og líka hversu mikið frumkvæði þau taka þegar kemur að þessum mjög svo mikilvæga málaflokki,“ sagði Katrín Jakobsdóttir, forsætisráðherra, að loknum fundi með grunnskólanemunum í morgun.
Efnisorð
Heimsmarkmiðin
