Alþjóðleg stærðfræðikeppni á Íslandi 2020
„Það er unnið frábært starf á vettvangi framhaldsskólanna og stærðfræðikeppnir sem þessar hafa reynst góð lyftistöng fyrir nemendur og kennara. Þátttaka í þeim eykur sjálfstraust nemenda, þjálfar vinnubrögð og opnar nemendum sýn á fjölbreytni stærðfræðinnar. Það eru sóknarfæri í að efla stærðfræðikennslu og bæta árangur íslenskra nemenda á því sviði en að því vinnum við nú m.a. með nýju fagráði um fyrirkomulag stærðfræðikennslu,“ segir Lilja Alfreðsdóttir mennta- og menningarmálaráðherra.
Íslenskir þátttakendur í keppnirnar eru valdir með forkeppnum en allt að 500 nemendur taka að jafnaði þátt í þeim og er mikil samvinna á milli kennara í framhaldsskóla og háskóla um framkvæmd og undirbúning þeirra.