Niðurstöður um úthlutun á WTO tollkvóta á landbúnaðarafurðum fyrir tímabilið 1. júlí 2021 til 30. júní 2022

Þriðjudaginn 25. maí 2021 rann út umsóknarfrestur um tollkvóta vegna innflutnings á nauta-, svína-, kinda-, geita- og alifuglakjöti, unnum kjötvörum, smjöri og ostum og eggjum fyrir tímabilið 1. júlí 2021 til 30. júní 2022.

Samtals bárust sextán umsóknir frá aðilum um tollkvótann. Til útboðs kom á tollkvótum á nauta-, svína- og  alifuglakjöti, unnum kjötvörum og ostum þar sem umsótt magn var meira en það magn sem í boði var á grundvelli reglugerðar nr. 541/2021.

Samtals bárust sextán gild tilboð í tollkvótann.

Átta tilboð bárust um innflutning á nautgripakjöti, samtals 289.000 kg á meðalverðinu 119 kr./kg.  Hæsta boð var 351 kr./kg en lægsta boð var 0 kr./kg. Tilboðum var tekið frá fimm fyrirtækjum um innflutning á 95.000 kg. á meðalverðinu 249 kr./kg.

Sex tilboð bárust um innflutning á svínakjöti, samtals 119.000 kg á meðalverðinu 2 kr./kg.  Hæsta boð var 13 kr./kg en lægsta boð var 0 kr./kg. Tilboðum var tekið frá sex fyrirtækjum um innflutning á 64.000 kg. á meðalverðinu 3 kr./kg.

Tvær umsóknir bárst um innflutning á kinda- eða geitakjöti, samtals 45.000 kg. Ekki kom til útboðs þar sem umsóknir náðu ekki því magni sem í boði var eða 345.000 kg.

Ellefu tilboð bárust um innflutning á kjöti af alifuglum, samtals 414.500 kg á meðalverðinu 75 kr./kg.  Hæsta boð var 200 kr./kg en lægsta boð var 1 kr./kg. Tilboðum var tekið frá fimm fyrirtækjum um innflutning á 59.000 kg á meðalverðinu 143 kr./kg.

Sex umsóknir bárust um innflutning smjöri, samtals 40.000 kg. Ekki kom til útboðs þar sem umsóknir náðu ekki því magni sem í boði var eða 53.000 kg.

Ellefu tilboð bárust í tollkvóta vegna innflutnings á ostum, samtals 346.000 kg á meðalverðinu 165 kr./kg. Hæsta boð var 527 kr./kg en lægsta boð var 1 kr./kg. Tilboðum var tekið frá átta fyrirtækjum um innflutning á 119.000 kg á meðalverðinu 367 kr./kg.

Fimm umsóknir bárust í tollkvóta vegna innflutnings á eggjum og afurðum þeirra, samtals 51.000 kg. Ekki kom til útboðs þar sem umsóknir náðu ekki því magni sem í boði var eða 76.000 kg.

Tíu tilboð bárust í tollkvóta vegna innflutnings á unnum kjötvörum, samtals 276.000 kg. á meðalverðinu 262 kr./kg. Hæsta boð var 623 kr./kg en lægsta boð var 1 kr./kg.  Tilboðum var tekið frá fimm fyrirtækjum um innflutning á 86.000 kg á meðalverðinu 457 kr./kg.

Atvinnuvega- og nýsköpunarráðuneytið hefur úthlutað tollkvótum til eftirtalinna fyrirtækja á grundvelli tilboða og/eða umsókna þeirra:

Nautgripakjöt fyrir tímabilið júlí 2021 - júní 2022

Svínakjöt fyrir tímabilið júlí 2021 - júní 2022

Kinda- og geitakjöt fyrir tímabilið júlí 2021 - júní 2022

Alifuglakjöt fyrir tímabilið júlí 2021 - júní 2022

Smjör fyrir tímabilið júlí 2021 - júní 2022

Ostur fyrir tímabilið júlí 2021 - júní 2022

Fuglsegg fyrir tímabilið júlí 2021 - júní 2022

Unnar kjötvörur fyrir tímabilið júlí 2021 - júní 2022