Hoppa yfir valmynd
4. ágúst 2017 Matvælaráðuneytið

Auknar aflaheimildir til strandveiða

Sjávarútvegs- og landbúnaðarráðherra Þorgerður Katrín Gunnarsdóttir hefur í dag ákveðið að auka við aflaheimildir til strandveiða um 560 tonn og verða strandveiðiheimildir því 9.760 tonn á þessari vertíð.

Með þessari ákvörðun er komið til móts við samþykkt stjórnar Landssambands smábátaeigenda, sem send var ráðuneytinu í byrjun ágúst, en þar var skorað á ráðherra að auka aflaviðmiðun í ágúst þannig að ekki kæmi til stöðvunar veiða.

Með þessari ákvörðun er þó ekki aukið við áður ákveðnar heildaraflaheimildir, líkt og áskorun LS kvað á um, heldur er hér um að ræða tilflutning milli þeirra þátta sem 5,3% er ráðstafað til.

Heimildirnar skiptast hlutfallslega jafnt milli strandveiðisvæða m.t.t. dagsafla hvers svæðis og er reiknað með að þessi viðbót auki sókn um 2 daga á hverju svæði um sig.

Aukningin skiptist þannig á svæði:

  • Svæði A 250 tonn
  • Svæði B 120 tonn
  • Svæði C 140 tonn
  • Svæði D  50 tonn

Efnisorð

Heimsmarkmiðin

Heimsmarkmið - mynd

Hafa samband

Ábending / fyrirspurn
Ruslvörn
Vinsamlegast svaraðu í tölustöfum