Hoppa yfir valmynd
18. júlí 2006 Samgöngu- og sveitarstjórnarráðuneytið

Málsaðilar nái sáttum

Félagsdómur hefur kveðið upp þann dóm í máli Félags íslenskra flugumferðarstjóra gegn ríkinu vegna breytinga á vaktkerfum hjá Flugmálastjórn Íslands að Flugmálastjórn hafi verið heimilt að taka upp nýtt vaktkerfi hjá Flugstjórnarmiðstöðinni í Reykjavík. Í framhaldi af umræðum í kjölfar dómsins þykir samgönguráðuneytinu rétt að upplýsa eftirfarandi.

Félag ísl. flugumferðarstjóra hefur skorað á Sturlu Böðvarsson samgönguráðherra að beita sér fyrir að vaktafyrirkomulagið verði fellt úr gildi. Samgönguráðherra skorar á aðila málsins að ná sáttum um fyrirkomulag vaktkerfis enda sé dómur Félagsdóms endanlegur og sá vettvangur sem aðilar vinnumarkaðarins fái til að fjalla um ágreiningsmál sín. Markmiðið með breytingum á vaktakerfinu er að stytta vaktir og aðlaga vinnuaflsþörf að flugumferðinni og draga úr álagi. Eru það liðir í bættu öryggi í starfseminni.



Efnisorð

Hafa samband

Ábending / fyrirspurn
Ruslvörn


Þessi síða notar vafrakökur Lesa meira