Greiðsluafkoma ríkissjóðs janúar-febrúar 2015
Greiðsluuppgjör ríkissjóðs fyrir janúar – febrúar 2015 liggur nú fyrir og gefur upplýsingar um afkomu ríkissjóðs á grundvelli innheimtra tekna og greiddra gjalda.
Handbært fé frá rekstri versnaði verulega á milli ára og var neikvætt um tæpa 48,2 ma.kr. samanborið við jákvætt handbært fé upp á 5,3 ma.kr. 2014. Þetta skýrist að stærstum hluta með útgreiðslum vegna leiðréttingar verðtryggðra húsnæðislána sem gjaldfærðar voru í lok árs 2014 en komu til greiðslu í janúar. Innheimtar tekjur lækkuðu um rúma 3 ma.kr. milli ára en greidd gjöld jukust um 14,8 ma.kr.