Úttekt á búsetuþjónustu Vinakots
Hugi ÓlafssonGæða- og eftirlitsstofnun félagsþjónustu og barnaverndar lauk nýlega úttekt á búsetuþjónustu Vinakots. Vinakot er í dag með búsetuúrræði á tveimur stöðum en þegar reksturinn var umfangsmestur voru rekin búsetuúrræði á níu stöðum. Í janúar 2018 var starfsemi fyrirtækisins skipt upp með það að markmiði að bæta gæði þjónustunnar.
Niðurstöður úttektarinnar eru þær að Vinakot þurfi að huga að aðgerðum til að auka stöðugleika í mannahaldi og leggja aukna áherslu á fræðslu og faglega þjálfun starfsmanna. Aukin áhersla hefur verið á sjálfsmat eða innra mat stofnana, bæði hérlendis og erlendis og hvetur Gæða- og eftirlitsstofnun félagsþjónustu og barnaverndar Vinakot til að huga að innleiðingu þess. Í sjálfsmatinu leggur stofnunin/fyrirtækið sjálft mat á eigin frammistöðu; hvar hafi tekist vel til og hvar megi gera betur.