Greiðsluuppgjör janúar-febrúar 2012 liggur nú fyrir
Greiðsluuppgjör ríkissjóðs fyrir fyrstu tvo mánuði ársins 2012 liggur nú fyrir. Handbært fé frá rekstri var jákvætt um 2,2 ma.kr. en var jákvætt um 8,9 ma.kr. á sama tímabili 2011. Þetta er samt sem áður mun betri niðurstaða en gert var ráð fyrir í áætlunum þar sem gert var ráð fyrir að handbært fé frá rekstri yrði neikvætt um 7,5 ma.kr. Tekjur reyndust 9,2 ma.kr. hærri en í fyrra á meðan að gjöldin jukust um 6,8 ma.kr. milli ára. Innheimtar tekjur ríkissjóðs námu 91,4 ma.kr. á fyrstu tveimur mánuðum ársins sem er ríflega 11% aukning miðað við sama tímabil á síðasta ári og um 7,6% yfir tekjuáætlun fjárlaga 2012.