Hoppa yfir valmynd
30. mars 2019 Menningar- og viðskiptaráðuneytið

Uppbókað á ráðstefnu um framtíð íslenskunnar

Uppbókað er á ráðstefnu um stöðu og framtíð íslenskukennslu í skólum landsins sem fram fer nk. mánudag, hinn 1. apríl kl. 15:30. Mennta- og menningarmálaráðuneytið skipuleggur ráðstefnuna í samvinnu við Háskóla Íslands, Háskólann á Akureyri, Kennarasamband Íslands og Samband íslenskra sveitarfélaga.

Streymt verður frá viðburðinum á síðunni www.mrn.is/aframislenska og verður dagskráin túlkuð á táknmáli. 

Ráðstefnan er liður í aðgerðum stjórnvalda til þess að styrkja íslensku sem opinbert mál en eitt af markmiðunum er að efla íslenskukennslu á öllum skólastigum. Útgangspunktur ráðstefnunnar eru niðurstöður rannsóknar á stöðu íslenskukennslu sem miðlað er í nýrri bók sem ritstýrt er af Kristjáni Jóhanni Jónssyni og Ásgrími Angantýssyni, Íslenska í grunnskólum og framhaldsskólum. Niðurstöður sýna jákvætt og virðingarvert starf en einnig ýmislegt sem betur má fara.

Dagskrá ráðstefnunnar:

ÁFRAM ÍSLENSKA – STAÐA OG FRAMTÍÐ ÍSLENSKUKENNSLU Í SKÓLUM LANDSINS

Ávarp Lilju Alfreðsdóttur mennta- og menningarmálaráðherra.

Íslenska í grunnskólum og framhaldsskólum.
Kristján Jóhann Jónsson, dósent við Menntavísindasvið Háskóla Íslands.

„Hann varð snemma illa læs.“
Hilmar Hilmarsson, stjórnarmaður í Íslenskri málnefnd og fyrrverandi grunnskólastjóri og Sigrún Birna Björnsdóttir, formaður Samtaka móðurmálskennara og sérfræðingur hjá Kennarasambandi Íslands.

Skilningur og þekking á tungumálum og málfræði.
Finnur Friðriksson, dósent við Háskólann á Akureyri, og Sigurður Konráðsson, prófessor við Menntavísindasvið Háskóla Íslands.

Hverju barni og unglingi hæfir einhver frásögn.
Dagný Kristjánsdóttir, prófessor við Íslensku- og menningardeild Háskóla Íslands, og Jón Yngvi Jóhannsson, lektor við Menntavísindasvið Háskóla Íslands.

„Það drap alveg minn yndislestur að vera í skóla.“
Brynhildur Þórarinsdóttir, dósent við Háskólann á Akureyri.

„Leiðindamál. Sem við þurfum að ræða aðeins betur.“
Bragi Valdimar Skúlason, íslenskufræðingur, lætur ýmislegt í ljós.

Mælingar á málþroska leikskólabarna.
Jóhanna Thelma Einarsdóttir, dósent við Heilbrigðis- og Menntavísindasvið Háskóla Íslands.

Fundarstjóri verður Karl Ágúst Úlfsson, formaður Rithöfundasambands Íslands.
Að erindum loknum verða pallborðsumræður undir stjórn Braga Valdimars Skúlasonar.


Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum