Mál nr. 130/2024 Úrskurður 8. janúar 2025
Mál nr. 130/2024 Eiginnafn: Reymar (kk.)
Hinn 8. janúar 2025 kveður mannanafnanefnd upp svohljóðandi úrskurð í máli 130/2024 en erindið barst nefndinni 23. desember 2024.
Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:
- Eiginnafn skal geta tekið íslenska eignarfallsendingu eða hafa unnið sér hefð í íslensku máli.
- Nafnið má ekki brjóta í bág við íslenskt málkerfi.
- Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
- Eiginnafn má ekki vera þannig að það geti orðið nafnbera til ama.
Nafnið Reymar (erlendis víða þekkt sem Raymar) er of öðrum uppruna en nafnið Reimar og er í dag borið af einum Íslendingi sem uppfyllir skilyrði vinnulagsreglna mannanafnanefndar varðandi hefð. Nafnið tekur íslenskri beygingu í eignarfalli, Reymars, og uppfyllir að öðru leyti ákvæði 5. gr. laga um mannanöfn.
Úrskurðarorð:
Beiðni um eiginnafnið Reymar (kk.) er samþykkt og skal nafnið fært á mannanafnaskrá.