Lúganósamningurinn fullgiltur
Lúganósamningurinn um dómsvald og um viðurkenningu og fullnustu dóma í einkamálum, sem gerður var í Lúganó 30. október 2007, hefur verið fullgiltur og mun öðlast gildi gagnvart Íslandi 1. maí næstkomandi. Ákvæði samningsins og bókana sem honum fylgja munu öðlast lagagildi hér á landi frá og með þeim tíma, sbr. lög nr. 7/2011 sem Alþingi samþykkti 20. janúar sl. Samningurinn kemur í stað eldri Lúganósamnings sem gerður var 16. september 1988 og heimilað var að fullgilda með lögum nr. 68/1995.