Fundur utanríkisráðherra Íslands og Noregs

FRÉTTATILKYNNING
frá utanríkisráðuneytinu

Nr. 49/2006

Valgerður Sverrisdóttir, utanríkisráðherra, og Jonas Gahr Støre, utanríkisráðherra Noregs, áttu fund í utanríkisráðuneytinu í morgun.

Rætt var um samstarf þjóðanna og sameiginleg hagsmunamál, svo sem þróun mála á norðurslóðum, sjóræningjaveiðar, stöðuna í síldarmálum, Evrópumál og samvinnu í friðargæslu. Einnig var fjallað um alþjóðamál og framboð Íslands til Öryggisráðs Sameinuðu þjóðanna. Að lokum var farið yfir stöðuna í varnarviðræðum Íslands og Bandaríkjanna.