Hoppa yfir valmynd
29. desember 2011 Innviðaráðuneytið

Stjórnsýsluumdæmum breytt í kjölfar sameiningar sveitarfélaga

Í kjölfar sameiningar sveitarfélaganna Bæjarhrepps og Húnaþings vestra sem tekur gildi 1. janúar 2012 verður breytt stjórnsýsluumdæmum sýslumannsembættanna á Hólmavík og Blönduósi. Er breytingin tilkynnt með breytingu á reglugerð nr. 66/2007 og tekur gildi frá sama tíma.

Bæjarhreppur hefur til þessa fallið undir stjórnsýsluumdæmi sýslumannsins á Hólmavík og Húnaþing vestra undir stjórnsýsluumdæmi sýslumannsins á Blönduósi. Þá hefur sýslumaðurinn á Ísafirði farið með lögreglustjórn í Bæjarhreppi en sýslumaðurinn á Blönduósi með lögreglustjórn í Húnaþingi vestra.

Með reglugerðarbreytingunni mun sýslumaðurinn á Blönduósi frá áramótum annast stjórnsýslu og lögreglustjórn í hinu nýja sameinaða sveitarfélagi sem heita mun Húnaþing vestra.

 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum