Stefán Haukur Jóhannesson formaður kærunefndar WTO vegna tolla á innflutt stál
Nr. 076
FRÉTTATILKYNNING
frá utanríkisráðuneytinu
frá utanríkisráðuneytinu
Þann 25. júlí s.l. var Stefán Haukur Jóhannesson, fastafulltrúi Íslands í Genf, tilnefndur til að gegna formennsku kærunefndar til að úrskurða í deilu aðildarríkja Alþjóðaviðskiptastofnunarinnar vegna ákvörðunar Bandaríkjastjórnar um að leggja verndartolla á innflutt stál.
Evrópusambandið og sjö aðildarríki WTO, Brasilía, Kórea, Japan, Kína, Sviss, Noregur og Nýja Sjáland, hafa lagt fram kæru á hendur Bandaríkjastjórn fyrir meint brot á samningsskuldbindingum gagnvart Alþjóðaviðskiptastofnuninni. Í kærunefndinni sitja auk fastafulltrúa Íslands tveir aðrir úrskurðaraðilar, Margaret Liang frá Singapúr og Mohan Kumar frá Indlandi.
Utanríkisráðuneytið
Reykjavík, 30. júlí 2002