Hoppa yfir valmynd
30. mars 2006 Heilbrigðisráðuneytið

Alþjóða heilbrigðisdagurinn 7. apríl

Alþjóðaheilbrigðisdagurinn verður að venju haldinn 7. apríl nk. í aðildarríkjum Alþjóðaheilbrigðismálastofnunarinnar (WHO). Einkunnarorð dagsins í ár eru Samstarf í þágu heilbrigðis (Working together for Health). WHO hefur mælst til þess að athyglinni verði sérstaklega beint að vandamálum heilbrigðisstarfsfólks og mönnun heilbrigðisþjónustunnar víða um heim. Margvíslegur vandi steðjar að í starfsmannamálum og aðgerðir til þess að sporna gegn brottflutningi heilbrigðisstarfsmanna í ákveðnum heimshlutum krefjast samstöðu og samvinnu margra aðila innan ríkjanna og á heimsvísu.

Forsvarsmenn WHO benda á að hlutfall heilbrigðisstarfsfólks á íbúa sé mjög breytilegt frá einu svæði til annars í heiminum í dag. Í OECD-löndunum eru til að mynda heilbrigðisstarfsmenn 10 – 15 sinnum fleiri að meðaltali á íbúa en í löndum Afríku sunnan Sahara. Sérmenntað heilbrigðisstarfsfólk í þessum löndum leitar í vaxandi mæli til ríkari landa þar sem laun og annar aðbúnaður er mun betri en í fátæku löndunum. Afleiðingin er sú að ekki er hægt að halda uppi nægilega góðri heilbrigðisþjónustu í þróunarlöndunum og heilbrigðisástandið í þessum löndum fer versnandi.

Forstjóri WHO Dr. LEE Jong-wook staðhæfir að skortur á heilbrigðisstarfsmönnum geti m.a. haft mikil áhrif á viðbúnað gagnvart hugsanlegum heimsfaraldri inflúensu, rýrt möguleika ríkja til þess að ná þúsaldarmarkmiðum Sameinuðu þjóðanna og dregið úr árangri WHO í baráttunni við þá sjúkdóma sem helst þjaka íbúa heimsins.

Dagskrá:

Morgunverðarfundur föstudaginn 7. apríl á Grand Hótel kl. 08:15 – 10:00

 

Fundarstjóri: Ingimar Einarsson, skrifstofustjóri.

 

08:15 – 08:30                 Morgunkaffi

                                    Dagskráin hefst kl. 08:30

08:30 – 08:40                 Ávarp.                                    

Siv Friðleifsdóttir, heilbrigðis- og tryggingamálaráðherra.

08:40 – 08:55                 Mannauður og heilsa.

                                    Sigurður Guðmundsson, landlæknir.

08:55 – 09:10                 Heilbrigðisstarfsfólk á Íslandi –

staða og spár um þróun mannafla.

Sólveig Jóhannsdóttir, hagfræðingur.

Harpa Guðnadóttir, hagfræðingur.                                 

09:10 – 09:25                 Aðgerðir Alþjóðaheilbrigðismálastofnunarinnar til að ráða bót á mönnunarvanda heilbrigðisþjónustu víða um heim.

                                    Vilborg Ingólfsdóttir, skrifstofustjóri.

09:25 – 09:40                 Þróunaraðstoð Íslands á sviði heilbrigðismála.        

Geir Gunnlaugsson, læknir.

09:40 – 10:00                 Umræður og fyrirspurnir

 

 



Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum