Hoppa yfir valmynd
19. janúar 2018 Utanríkisráðuneytið

Gaf Íslendingasögurnar í sænskri þýðingu

Guðlaugur Þór afhendir Alice Bah Kuhnke Íslendingasögurnar.  - mynd
Guðlaugur Þór Þórðarson, utanríkisráðherra, afhenti Alice Bah Kuhnke, menningarmálaráðherra Svíþjóðar, til gjafar Íslendingasögurnar í sænskri þýðingu við hátíðlega athöfn í Uppsölum í dag. Í ræðu sinni rakti ráðherra sagnaarfinn og þýðingu Íslendingasagnanna enn þann dag í dag. ""Ber er hver að baki nema bróður sér eigi", segir í sögnunum og er þar vísað til vopnaðra bardaga, en í dag má heimfæra spakmælin upp á norræna samvinnu og sameiginlegt öryggi Norðurlandanna á tímum aukinnar óvissu og spennu," sagði Guðlaugur Þór.

Í gær fundaði utanríkisráðherra með Ann Linde, Evrópumála- og viðskiptaráðherra Svíþjóðar, þar sem málefni Evrópu, Brexit og Alþjóðaviðskiptastofnunarinnar voru meðal annars til umfjöllunar. Þá fundaði utanríkisráðherra með Peter Hultqvist, varnarmálaráðherra Svíþjóðar, þar sem öryggismál á Eystrasaltssvæðinu og norðanverðu Atlantshafi, og aukin varnarsamvinna Íslands og Svíþjóðar, voru til umræðu.

Opinberri heimsókn forseta Íslands í Svíþjóð lýkur í dag.

Efnisorð

Heimsmarkmiðin

Heimsmarkmið - mynd

Hafa samband

Ábending / fyrirspurn
Ruslvörn
Vinsamlegast svaraðu í tölustöfum