Mál nr. 52/2025 Úrskurður 24. júní 2025

Mál nr. 52/2025                    Eiginnafn:     Míló (kk.)

Hinn 24. júní 2025 kveður mannanafnanefnd upp svohljóðandi úrskurð í máli 52/2025 en erindið barst nefndinni 3. júní 2025.

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

1. Eiginnafn skal geta tekið íslenska eignarfallsendingu eða hafa unnið sér hefð í íslensku máli.
2. Nafnið má ekki brjóta í bág við íslenskt málkerfi.
3. Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
4. Eiginnafn má ekki vera þannig að það geti orðið nafnbera til ama.

Eiginnafnið Míló (kk.) tekur íslenskri beygingu í eignarfalli, Mílós, og uppfyllir að öðru leyti ákvæði 5. gr. laga um mannanöfn.

Úrskurðarorð:

Beiðni um eiginnafnið Míló (kk.) er samþykkt og skal nafnið fært á mannanafnaskrá.