Tillögur nefndar um eflingu sveitarstjórnarstigsins
Nefnd sem innanríkisráðherra skipaði í mars í fyrra og fól það hlutverk að vinna að frekari eflingu sveitarstjórnarstigisins hefur skilað skýrslu með tillögum sínum. Í skýrslunni er meðal annars fjallað um stöðu verkefna sem miða að því að efla sveitarstjórnarstigið og hafa verið í vinnslu á vettvangi stjórnvalda og Sambands íslenskra sveitarfélaga. Í skýrslunni er fjallað um flutning málefna fatlaðra til sveitarfélaga og stuttlega um áformaðan flutning málefna aldraðra til þeirra.