Öryggismálaráðstefna í München

Halldór Ásgrímsson, utanríkisráðherra, sótti öryggismálaráðstefnu í München dagana 6.-8. febrúar s.l. Á ráðstefnunni var að þessu sinni fjallað um Atlantshafstengslin, framtíð Atlantshafsbandalagsins og ástand og horfur í Mið-Austurlöndum.
Meðan á ráðstefnunni stóð átti utanríkisráðherra tvíhliðafundi með Richard G. Lugar, formanni utanríkismálanefndar öldungadeildar Bandaríkjaþings, og John McCain, formanni viðskiptanefndar öldungadeildarinnar.
Þá átti utanríkisráðherra fund með Kostyantin Gryshchenko, utanríkisráðherra Úkraínu, þar sem rædd voru tvíhliða samskipti ríkjanna.