Ísland og norðurslóðir - Tækifæri í breytilegu umhverfi alþjóðasamstarfs og náttúrufars
Ísland og norðurslóðir
- Tækifæri í breytilegu umhverfi alþjóðasamstarfs og náttúrufars -
Ráðstefna á Grand Hotel, 25. febrúar 2005
Á morgun, 25. febrúar 2005, verður efnt til ráðstefnu á Grand Hotel í Reykjavík undir yfirskriftinni: Ísland og norðurslóðir: Tækifæri í breytilegu umhverfi alþjóðasamstarfs og náttúrufars.
Á ráðstefnunni verður m.a. fjallað um vaxandi skipaumferð við Ísland vegna olíu og jarðgasflutninga frá Rússlandi og Noregi og hugsanlegrar opnunar siglingaleiða í norðri. Einnig verður fjallað um möguleika á umskipunarhöfn á Íslandi.
Flutt verður erindi um áhrif breytts náttúrufars á auðlindir hafsins. Hlýnun sjávar hefur þegar haft áhrif á vöxt og dreifingu fiskistofa við Ísland og verður reynt að varpa ljósi á þróunina næstu ár og áratugi.
Orkumálin fá sérstaka athygli á ráðstefnunni og verður m.a. fjallað um áhrif loftslagsbreytinga á orkugjafa á norðurslóðum, til að mynda hvernig vetni gæti gengt hlutverki við að auka hlut endurnýjanlegra orkulinda.
Auk framangreinds verður fjallað um skipulagsmál, dýralíf, landnýtingu, byggðaþróun og áherslur í rannsóknum, svo að eitthvað sé nefnt.
Markmið ráðstefnunnar er að skapa grundvöll fyrir umræðu um þau viðfangsefni sem breytilegt umhverfi alþjóðsamstarfs og náttúrufars felur í sér fyrir Íslendinga bæði innanlands og í alþjóðlegur samstarfi.
Ráðstefnan er öllum opin og hefst kl. 9:00.
Meðfylgjandi er dagskrá ráðstefnunnar.