Sjö starfshópar til ráðgjafar
Sjö starfshópar hafa verið skipaðir til að vera samgönguráði til ráðuneytis um einstaka málaflokka við undirbúning samgönguáætlunar.
Hóparnir skulu fjalla um samþættingu áætlana, forgangsröðun framkvæmda, umhverfismál, almenningssamgöngur, endurskoðun öryggisáætlana, heimasíðu og áhrif EB umsóknar á samgöngumál.
Hverjum starfshópi hefur verið sett erindisbréf og hafa allir hóparnir þegar haldið nokkra fundi. Greint verður frá helstu áföngum í starfi hópanna eftir því sem þeim lýkur.