Hoppa yfir valmynd
31. maí 2002 Félags- og vinnumarkaðsráðuneytið

Úthlutanir Starfsmenntaráðs

Starfsmenntaráð styrkir verkefni fyrir tæpar 50 milljónir


Starfsmenntaráð hefur úthlutað styrkjum til 38 verkefna, samanlagt að upphæð kr. 48.740.000. Í upphafi árs 2002 ákvað Starfsmenntaráð að þrenns konar verkefni skyldu eiga möguleika á styrk úr starfsmenntasjóði árið 2002; í fyrsta lagi þau er tengjast starfsmenntun og upplýsingatækni (áætlaðar 25 milljónir), í öðru lagi verkefni sem stuðla að auknum gæðum starfsmenntunar með áherslu á þjálfun leiðbeinenda (áætlaðar 20 milljónir) og í þriðja lagi verkefni tengd starfsmenntun fatlaðra (áætlaðar 5 milljónir). Alls bárust umsóknir um styrki til 57 verkefna að upphæð kr. 142.469.969. Frá árinu 1992 hefur Starfsmenntaráð veitt hátt í 550 milljónum króna til tæplega 700 starfsmenntaverkefna sem hafa það að markmiði að efla hæfni starfsfólks og styrkja stöðu atvinnugreina og fyrirtækja hér á landi.

Hæstu styrkirnir sem veittir voru að þessu sinni til einstakra verkefna, námu þremur milljónum króna og fóru til Menningar- og fræðslusambands alþýðu (MFA) annars vegar og Upplýsingar – Félags bókasafns- og upplýsingafræða hins vegar. Styrkurinn sem veittur var MFA og samstarfsaðilum, verður notaður í að bjóða lagnamönnum á vegum veitna og fjarskiptafyrirtækja sem búsettir eru á landsbyggðinni, upp á námskeið í jarðlagnatækni, með fjarfundabúnaði. Styrkurinn til Upplýsingar, verður settur í menntun ófaglærðra bókavarða sem eru starfandi á bókasöfnum og upplýsingamiðstöðvum víða um land. Gerð verða námsgögn sem nota má í fjarnámi sem og staðbundnu námi. Aðrir styrkir voru að upphæð frá 200 þúsund krónur að 2,5 milljónum króna.

Verkefnin eru mjög fjölbreytt. Eitt þeirra snýst um að þjálfa leiðbeinendur í fullorðinsfræðslu á Austurlandi en hugmyndafræðin sem notuð er í fullorðinsfræðslu er mjög frábrugðin þeirri sem á við fræðslu yngra fólks. Annað verkefni gengur út á að búa til vefbundið námskeið um vinnuálag, kvíða og líkmleg einkenni, hið þriðja um að fullvinna rafrænan námsráðgjafa fyrir almenning sem staðsettur verður á Upplýsingaveitu Menntar en niðurstöður úr ráðgjöf munu tengja notandann beint við upplýsingar um það nám sem fellur að áhugasviði einstaklingsins. Þá var einnig veittur styrkur til verkefnis sem hefur það að markmiði að efla samskipti fatlaðra og ófatlaðra á vinnumarkaði.

        Rétt til að sækja um styrki Starfsmenntaráðs eiga samtök atvinnurekenda og launafólks, einstök fyrirtæki, einkaaðilar eða opinberir sem standa fyrir starfsmenntun í atvinnulífinu, starfsmenntaráð einstakra atvinnugreina og samstarfsverkefni á vegum tveggja eða fleiri framangreindra aðila. Einnig skólar ef um er að ræða samstarf framangreindra aðila. Starfsmenntaráð starfar samkvæmt lögum nr. 19/1992 um starfsmenntun í atvinnulífinu og heyrir undir félagsmálaráðherra. Í því eiga sæti sjö fulltrúar, tveir frá Alþýðusambandi Íslands, einn frá BSRB, þrír frá Samtökum atvinnulífsins og einn fulltrúi félagsmálaráðherra.
Nánari upplýsingar veitir Ólafur Finnbogason ritari Starfsmenntaráðs í síma 895 9636.
www.starfsmenntarad.is


Styrkþegi Verkefni Styrkur
ANZA Vefnámsk. í uppl.öryggi skv. ISO / IEC 1779
1.500.000
Barnaverndarstofa Foster Pride, þjálfun leiðbeinenda
2.000.000
Félag málmiðnaðarmanna Akureyri Námskeið fyrir málmiðnaðarmenn á Akureyri
200.000
Fjölbrautaskóli Norðurlands Vestra Kennslub. í öldrunarhj. f. sjúkral.nema í fjarnámi v. FNV
300.000
Fjölbrautaskóli Suðurnesja Veisimar
500.000
Framvegis-miðst. um sím. í Rvík Kennslufr. fullorðinsfr. og þjálfun leiðb.
2.000.000
Fræðslunet Austurlands Markviss í fyrirtækjum og stofnunum á Austurl.
300.000
Fræðslunet Austurlands Þjálfun leiðbeinenda fullorðinsfræðslu
240.000
Fræðsluráð málmiðnaðarins HL Hreint loft.
2.000.000
Fræðsluráð málmiðnaðarins Tilsjónarmenn VSN.
1.000.000
Fræðslusetrið Starfsmennt "Að treysta grunninn"
2.500.000
Hjörleifur Harðarson Aðgengi fyrir blinda á netinu
200.000
Iðntæknistofnun Matvæli-leit
500.000
Iðntæknistofnun Samtal
500.000
Jón Hermannsson Viltu læra íslensku
2.000.000
Kennaraháskóli Íslands Greiningartæki til að kanna færni í upplýsingatækni
500.000
Leikskólar Reykjavíkur Nýliðaþjálfun og námskeið fyrir nýliða
750.000
Meistarafélag í hárgreiðslu Markviss þjálfun fyrir keppni í hársnyrtiiðn
500.000
MFA Vinnuálag, kvíði og líkamleg einkenni
1.500.000
MFA Jarðlagnatækni í fjarfundarbúnaði
3.000.000
Mennt Rafrænn námsráðgjafi
2.500.000
Menntafélag byggingariðnaðarins Þarfagreining - Handbók
2.000.000
Miðstöð sím. á Suðurn. Kennsla fullorðinna
750.000
Námsfl. Hafnarfj. - Miðstöð sím. Starfsþjálfun leiðbeinenda vinnuskóla
750.000
Nuddskóli ísl./Fél. ísl. nuddar Kennslubók í svæðanuddi
200.000
Opnar gáttir ehf Grunnþættir í gerð vefbundins náms
1.500.000
Prenttæknistofnun Þjálfun leiðbeinenda í prentiðnaði
1.500.000
Rafiðnaðarskólinn Símenntun gegnum samstarf á vefnum
2.500.000
Rannsóknarþjónustan Sýni ehf. Fræðsla, undirstaða öryggis
500.000
Rannsóknast. Háskólans á Ak. Vefbundið sjálfsnám með stuðningi
1.000.000
RTV-Menntastofnun ehf. Þjálfaraþjálfun: Kennslut. f. kennara í sí- og endurm.
2.500.000
Samsk.miðst. heyrnarl. og heyrnarsk. BITEMA (Bilingual Teaching Material for the Deaf
800.000
Sím.miðst. Eyjafj. - SÍMEY Fjölvirkjafræðsla
750.000
Símenntunarmiðstöðin á Vesturlandi Efling samskipta fatlaðra og ófatlaðra á vinnumark.
1.000.000
Slökkvilið höfuðborgarsvæðisins bs. Kennsluvefur
1.500.000
SVÞ-Samtök verslunar og þjónustu Námsbraut verslunarstjóra
2.500.000
Upplýsing - Fél. bókas.- og uppl.fr. Starfsnám fyrir ófaglærða bókaverði
3.000.000
Vátryggingafélag Íslands Vefbundið námsefni vegna lögboðinna brunatr.
1.500.000
34 aðilar 38 verkefni
48.740.000

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum