Opinber heimsókn utanríkisráðherra Mósambík
Nr. 025
FRÉTTATILKYNNING
frá utanríkisráðuneytinu
frá utanríkisráðuneytinu
Dr. Leonardo Santos Simao, utanríkisráðherra Mósambík, kemur í opinbera heimsókn til Íslands á morgun í boði Halldórs Ásgrímssonar, utanríkisráðherra. Á fundi ráðherranna verða tvíhliða samskipti landanna efst á baugi, en Mósambík er eitt aðal samstarfsland Íslands varðandi þróunarsamvinnu. Þá munu ráðherrarnir einnig ræða um svæðisbundin málefni er snerta Afríku sérstaklega, auk þess sem málefni sjálfbærrar þróunar og árangur af ráðstefnunni í Jóhannesarborg verða á dagskrá.
Utanríkisráðherra Mósambík mun jafnframt heimsækja Alþingi í boði Halldórs Blöndal, forseta Alþingis. Þá mun ráðherrann einnig kynna sér starfsemi Sjávarútvegsskóla Sameinuðu þjóðanna, Hafrannsóknastofnunar og Rannsóknastofnunar sjávarútvegsins, auk þess að eiga viðræður við fulltrúa sjávarútvegsráðuneytisins.
Utanríkisráðherra Mósambík heldur af landi brott að morgni 21. mars.
Utanríkisráðuneytið
Reykjavík, 19. mars 2003