Dr. Matthías G. Pálsson afhenti í gær, 4. september 2018, Thorbjørn Jagland, aðalframkvæmdastjóra Evrópuráðsins í Strassborg í Frakklandi, trúnaðarbréf sitt sem fastafulltrúi gagnvart ráðinu með aðsetur í Reykjavík. Á fundinum var m.a. rætt um þátttöku Íslands í starfi ráðsins og áherslu núverandi ríkisstjórnar á mannréttindamál, almenna stöðu mála í ráðinu, þ.m.t. alvarlega fjárhagsstöðu þess, og mikilvægi mannréttinda, lýðræðis og réttarríkisins í Evrópu í dag.
