Velferðarráðuneytið

Ráðstefna um kynjaða fjárlagagerð 13. nóvember

Ráðstefna um kynjaða fjárlagagerð verður haldin á Hótel Nordica, 13. nóvember næstkomandi. Ráðstefnan er liður í formennskuáætlun Íslendinga í Norrænu ráðherranefndinni árið 2009.

Ráðstefnan er sérstaklega ætluð forstöðumönnum ríkisstofnana, skrifstofu- og ráðuneytisstjórum, fulltúrum í fjárlaganefnd, fjármálastjórum, þingmönnum og ráðherrum, embættismönnum í norrænu samstarfi og sérfræðingum um jafnréttismál.

Kynjuð fjárlagagerð er flestum framandi hugtak enn sem komið er og verður leitast við að skýra út í hverju hugmyndafræði hennar felst og aðferðum hennar. Meðal annars verður skoðað hvaða áhrif ákvarðanir um ríkisútgjöld hafa á kynin.

Norrænir sérfræðingar munu halda erindi um aðferðarfræði kynjaðrar fjárlagagerðar og má þar helsta nefna Païvi Valkana sérfræðing hjá finnska fjármálaráðuneytinu, Catharinu Schmitz, sænskan sérfræðing í kynjaðri fjárlagagerð og Sigurður Helgason framkvæmdastjóri Stjórnarhátta.

Boðið verður upp á léttar veitingar og hádegisverð. Aðgangur ókeypis.

Skráning fer fram hjá Halldóru Friðjónsdóttur hjá fjármálaráðuneytinu á netfanginu: halldora.frið[email protected] og veitir hún jafnframt nánari upplýsingar.

Dagskrá verður send út síðar og birt á heimasíðu fjármálaráðuneytisins: www.fjarmalaraduneyti.is/kyn

Skjal fyrir Acrobat ReaderNánari upplýsingar



Efnisorð

Síðast uppfært: 12.05.2017
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn