Hoppa yfir valmynd
Úrskurðarnefnd velferðarmála - Atvinnuleysistryggingar og vinnumarkaðsaðgerðir

Mál nr. 544/2019 - Úrskurður

Frávísun. Engin stjórnvaldsákvörðun.

 

Úrskurðarnefnd velferðarmála

Mál nr. 544/2019

Föstudaginn 21. febrúar 2020

A

gegn

Vinnumálastofnun

Ú R S K U R Ð U R

Mál þetta úrskurða Kári Gunndórsson lögfræðingur, Agnar Bragi Bragason lögfræðingur og Arnar Kristinsson lögfræðingur.

Með kæru, dags. 20. desember 2019, kærði A til úrskurðarnefndar velferðarmála afgreiðslu Vinnumálastofnunar vegna desemberuppbótar.

I.  Málsatvik og málsmeðferð

Kærandi lagði fram kæru hjá úrskurðarnefnd velferðarmála þann 20. desember 2019 vegna afgreiðslu Vinnumálastofnunar á greiðslu desemberuppbótar. Með erindi úrskurðarnefndar til kæranda sama dag var óskað eftir afriti af hinni kærðu ákvörðun. Sú beiðni var ítrekuð 15. og 22. janúar 2020. Engin svör bárust. Með erindi úrskurðarnefndar til Vinnumálastofnunar 30. janúar 2020 var óskað eftir afriti af hinni kærðu ákvörðun. Svar barst samdægurs þar sem fram kemur að engin ákvörðun hafi verið send kæranda vegna desemberuppbótar.

II.  Niðurstaða

Samkvæmt 1. gr. laga nr. 85/2015 um úrskurðarnefnd velferðarmála skal nefndin úrskurða í kærumálum vegna stjórnvaldsákvarðana eftir því sem mælt er fyrir um í lögum sem kveða á um málskot til nefndarinnar. Þannig er grundvöllur þess að unnt sé að leggja fram kæru til úrskurðarnefndar að fyrir liggi stjórnvaldsákvörðun. Um stjórnvaldsákvörðun er að ræða þegar stjórnvöld taka ákvarðanir um rétt eða skyldur manna í skjóli stjórnsýsluvalds, sbr. 2. mgr. 1. gr. stjórnsýslulaga nr. 37/1993. Þar sem ekki hefur verið tekin stjórnvaldsákvörðun í máli kæranda er það mat úrskurðarnefndarinnar að málið sé ekki tækt til efnismeðferðar. Kærunni er því vísað frá úrskurðarnefnd velferðarmála.

Ú R S K U R Ð A R O R Ð

Kæru A er vísað frá úrskurðarnefnd velferðarmála.

F.h. úrskurðarnefndar velferðarmála

Kári Gunndórsson

 

 

 


Úrskurðir, ákvarðanir og aðrar úrlausnir sem birtast á vef Stjórnarráðsins eru á ábyrgð viðkomandi stjórnvalds. 
Stjórnarráðið ber ekki ábyrgð á efni frá sjálfstæðum stjórnvöldum umfram það sem leiðir af lögum.

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira