Áslaug Arna Sigurbjörnsdóttir
háskóla-, iðnaðar- og nýsköpunarráðherra
Áslaug Arna Sigurbjörnsdóttir er háskóla-, iðnaðar- og nýsköpunarráðherra frá 28. nóvember 2021.
Æviágrip
Áslaug Arna Sigurbjörnsdóttir er fædd í Reykjavík 30. nóvember 1990. Foreldrar: Sigurbjörn Magnússon (fæddur 31. júlí 1959) hæstaréttarlögmaður og Kristín Steinarsdóttir (fædd 1. maí 1959, dáin 12. nóvember 2012) kennari.
Stúdentspróf VÍ 2010. BA-próf í lögfræði HÍ 2015. MA-próf í lögfræði HÍ 2017.
Starfsmaður jafningjafræðslu Hins hússins 2010. Blaðamaður á Morgunblaðinu 2011–2013. Lögreglumaður hjá lögreglunni á Suðurlandi 2014–2015. Varaformaður Æskulýðsráðs 2014–2016. Laganemi á lögmannsstofunni Juris 2016.
Í stjórn SUS, Sambands ungra Sjálfstæðismanna, frá 2011. Formaður Heimdallar, félags ungra Sjálfstæðismanna í Reykjavík, 2011–2013. Funda- og menningarmálastjóri Orators, félags laganema við HÍ, 2015–2016. Ritari Sjálfstæðisflokksins 2015–2019.
Alþingismaður Reykjavíkurkjördæmis norður frá 2016 (Sjálfstæðisflokkur).
Allsherjar- og menntamálanefnd 2017 (formaður 2017), efnahags- og viðskiptanefnd 2017, utanríkismálanefnd 2017–2019 (formaður 2017–2019).
Íslandsdeild Alþjóðaþingmannasambandsins 2017–2019 (formaður 2017–2019), Íslandsdeild NATO-þingsins 2017–2019 (formaður 2017–2019).
Dómsmálaráðherra frá 6. september 2019–28. nóvember 2021.
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.