Hoppa yfir valmynd

Starfshópur um offitu, holdafar, heilsu og líðan

Heilbrigðisráðuneytið

Verkefni starfshópsins er að fjalla um málefni er varðar offitu, holdafar, heilsu og líðan á heildrænan hátt þar sem horft er til líkamlegra, andlegra og félagslegra áhrifaþátta til að bæta heilbrigði, vellíðan og lífsgæði til lengri tíma. Hlutverk starfshópsins er að leggja fram drög að stefnumarkandi áherslum í forvörnum, heilsueflingu og meðferð byggðar á bestu vísindalegu þekkingu og í samræmi við heilbrigðisstefnu og lýðheilsustefnu. Jafnframt að leggja til aðgerðir með það að markmiði að draga úr heilsufarslegum afleiðingum offitu og efla lýðheilsu þar sem áherslan er lögð á heilbrigða lífshætti, koma með tillögur um hvernig forvörnum og þjónustu verði best fyrir komið og hvernig fyrirbyggja megi fordóma og mismunun í tengslum við holdafar.
Starfshópnum er heimilt að kalla fleiri aðila, sem að málefninum koma, til fundar með hópnum, allt eftir áherslum í umræðu hópsins hverju sinni. Starfshópnum er ætlað að skila tillögum sínum til heilbrigðisráðherra um miðjan mars 2022.

Starfshópinn skipa

  • Dóra Guðrún Guðmundsdóttir, sviðstjóri lýðheilsu hjá Embætti landlæknis, formaður
  • Tryggvi Helgason, sérfræðingur á Landspítalanum, Barnaspítala Hringsins
  • Sólrún Ósk Lárusdóttir, sérfræðingur hjá Heilsugæslu höfuðborgarsvæðisins
  • Guðlaugur Birgisson, sérfræðingur í offituteymi Reykjalunds
  • Anna Sigríður Ólafsdóttir, prófessor í næringarfræði við Menntavísindasvið HÍ
  • Ása Sjöfn Lórensdóttir, fagstjóri heilsuverndar skólabarna hjá Þróunarmiðstöð íslenskrar heilsugæslu
  • Sólveig Sigurðardóttir, forseti evrópsku sjúklingasamtakanna, EASO ECPO

Starfshópurinn er skipaður af heilbrigðisráðherra 8. nóvember 2021

 
Tímabundnar nefndir
Til baka
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira