Stýrihópur um eftirfylgni áætlunar um loftgæði á Íslandi 2018-2029
Skipaður 4. apríl 2025.
Stýrihópnum er falið það hlutverk að hafa umsjón með framkvæmd áætlunar - Hreint loft til framtíðar - áætlun um loftgæði á Íslandi 2018-2029 sem var gefin út í nóvember 2017 í samræmi við ákvæði 6. mgr. 36. gr. laga nr. 7/1998 um hollustuhætti og mengunarvarnir um loftgæði á Íslandi 2018 - 2029. Hlutverk stýrihópsins verður að kanna reglulega hvernig framkvæmdum aðgerða í loftgæðaáætluninni miðar og stuðla að eftirfylgni hennar.
Ábyrgð á framkvæmd áætlunarinnar er í höndum umhverfis- orku- og loftslagsráðuneytisins en ráðuneytið vinnur í samstarfi við Umhverfis- og orkustofnun, heilbrigðisnefndir sveitarfélaga, frjáls félagasamtök, atvinnulífið, Embætti landlæknis (sóttvaralækni), önnur ráðuneyti og fagfólk að nánari útfærslu einstakra þátta áætlunarinnar og eru markmið hennar endurskoðuð reglulega.
Ráðuneytið annast einnig, í samráði við Umhverfis- og orkustofnun, eftirlit með framkvæmd áætlunarinnar og leggur mat á hvort aðgerðir hafi skilað væntanlegum árangri. Mat og eftirlit vegna áætlunarinnar er á hendi Umhverfis- og orkustofnunar, sem miðstöð í loftgæðaeftirliti og gagnasöfnun í málaflokknum. Endurskoðun áætlunarinnar er hafin.
Stýrihópurinn er skipaður til þriggja ára. Á þeim tíma skal hann upplýsa ráðherra tvisvar á ári um hvernig framkvæmdum aðgerða í loftgæðaáætluninni miðar.
Án tilnefningar
Einar Halldórsson, formaður
Erla Arnardóttir
Samkvæmt tilnefningu innviðaráðuneytis
Valgerður Gréta Benediktsdóttir
Samkvæmt tilnefningu Samtaka heilbrigðiseftirlitssvæða á Íslandi
Svava S. Steinarsdóttir
Samkvæmt tilnefningu Sambands íslenskra sveitarfélaga
Finnur Richart Andrason
Samkvæmt tilnefningu Vegagerðarinnar
Páll Valdimar Kolka Jónsson