Samgöngu- og sveitarstjórnarráðherra hefur skipað stýrihóp verkefnis um stafrænan ökunámsferil en verkefnið er leitt af Samgöngustofu.
Verkefnið snýr að stafrænu umsóknarferli ökuskírteina, stafrænni ökunámsbók og tengingu hennar við notendur ásamt próftöku með stafrænum hætti, sbr. meðfylgjandi drög að verkefnisáætlun. Hlutverk stýrihópsins er að halda utan um verkefnið í heild ásamt því að tryggja yfirsýn og framgang verkefnisins.
Stýrihópurinn er svo skipaður:
Sigurjóna Hreindís Sigurðardóttir, verkefnisstjóri, tilnefnd af Samgöngustofu,
Jónas Birgir Jónasson, tilnefndur af samgöngu- og sveitarstjórnarráðuneyti,
Vésteinn Viðarsson, tilnefndur af Stafrænu Íslandi,
Tinna Berglind Guðmundsdóttir, tilnefnd af sýslumannaráði.